|| المشاركة الرابعة ||
كل عام وأنتن جميعا وجميع المسلمين بخير حال
لم يبق الا أيام معدودات ويأتى الضيف الغالى علينا جميعا شهر رمضان المبارك -اللهم بلغنا رمضان على النحو الذى يرضيك عنا- ساضع بين ايديكن بعض الأفكار البسيطة للاستعداد لرمضان حتى نوفر الوقت بقدر الامكان فأنا أريد هذه الأيام أن أستعد لدخول رمضان بحيث كل حاجة تكون موجودة وجاهزة وماتاخدش الا دقائق فقط من دقائقه الثمينة التى لا تقدر بكنوز الأرض
1- شراء جميع خزين البيت :
نحاول نوفر كميات مناسبه من الرز والمكرونه والسكر والشاى و البيض والسمنه والزيوت والدقيق
شراء لوازم العيد من قبل رمضان وكذلك ملابس الاطفال حتى لايضيع رمضان وساعاته الثمينة بالتنقل بين الاسوق لانه من المحزن الانشغال بغير العبادة وقراءةالقران
2- عمل بعض الإطباق الي ممكن الإحتفاظ بها بالفريزر ...
مثلا تخزين صلصه طماطم فالفريزر
تخزين كميات من الثوم مفروم جاهز على الاستعمال
تخزين البانيه والبوفتيك متبلين جاهزين على الاستعمال
تخزين الفراخ المشويه الجاهزه المتبله على الشوى على طول
تخزين كفته الرز سواء محمره او لاء جاهزه للاستعمال
تخزين السمبوسك جاهزه على التحمير
تخزين كميه من الشربات الجاهز للحلويات للاستعمال على طول
نخزن اللحمه المسلوقه بالشوربه للاستعمال على طول
نخزن العصاير زى البرتقال والمشمش والمانجو وغيره فى الفريزر وكذلك الفواكه تجمد بالفريزر كما هى الفراوله والجوافه والمشمش والخوخ ننزع النواه ونكيسهم وعلى الفريز على طول ولما نحتاجهم نطلعهم وعلى الخلاط مع السكر
نخزن الخضار زى الفاصوليا والباميه والملوخيه وغيره جاهزين على الاستعمال كالتالي تجيبى حلة كبيرة وتحطى نًصها مية على النار وتحطى فيها الخضار اللى هتبستريه وتعصرى عليه عصير ليمونتين علشان يفضل محتفظ باللون الأخضر الزاهى بتاعو لحد ما تطبخيه ودا والمية لسه باردة من الحنفية تسيبى الخضار فى الحلة لحد المية ما تبتدى تغلى غلوتين, وبعدين تصفيه فى مصفاة ويبرد تماماً ثم تعبئيه فى اكياس نضيفة وعلى الفريزر على طووووووووووووول
نخزن خضره المحشى فى اكياس وعلى الفريزر لحين الاستعمال
نخزن كميات من الفول والطعميه الجاهزين للاستعمال
توفير الجهد فى رمضان
بالنسبه لتنظيف البيت بياخد وقت طويل فى اليوم وده طبعا صعب لان الصيام هايبقى فى الصيف والواحد بيبقى تعبان نعمل ايه اولا قبل رمضان نغسل الستاير والسجاد ونشيلهم ونفرشهم قرب العيد وهم نضاف
ثانيا نحاول ننضف البيت كويس قبل رمضان ونرمى كل الكراكيب ونحاول نخلى البيت نضيف جدا زى اوضه النوم والاطفال والانتريهات والصالون والمطبخ نضافه عميقه جدا
ثالثا خلال ايام رمضان نحاول ننضف البيت على الماشى يعنى نكنس ونمسح على خفيف كده ونمسح الخشب وننضف المطبخ باستمرار نضع ورق الالمنيوم على فرن الغاز عشان لما يتسخ نزيل فقط الورق و نضع اخر
رابعا لازم نخلى المطبخ دايما نضيف علشان يريحنا طول اليوم
خامسا دايما يكون الغسيل مغسول كل الملابس ال مش نضيفه على طول على الغساله علشان تريحنا
تقبل الله منا و منكم
