|
|
|
|
|
|||||||
|
|
أدوات الموضوع | إبحث في الموضوع | انواع عرض الموضوع |
05-01-12, 01:52 PM
|
#11 |
|
مسئولة فريق العمل الفني
|
** السبب الثاني : سوء الفهم لطبائع الأطفال الغريزية **
 علمنا فيما سبق أن تسلط الأب ناتج عن اضطراب شخصيته وهنا سنتعرف على مصدر تسلط الأم على أولادها تأملوا أرشدكم الله في هذه السلسلة [المشمشية] من أم لطفلها ! * مش قولتلك .. متوسخش هدومك ! * مش قولتلك .. متمشيش حافي ! * مش قولتلك .. متاكلش بإيدك ! * مش قولتلك .. متلعبش هنا ! * مش قولتلك .. قوم نام ! وإليكم الردود [الضيائية] على السلسلة [المشمشية] * مش قولتلك متوسخش هدومك ! == طيب وفيها ايه لما يوسخ هدومه ! .. وتلبسيه هدوم غيرها ! * مش قولتلك متمشيش حافي ! == طيب وفيها ايه لما يمشي حافي ! .. وإنتي كمان تمشي حافيه ! * مش قولتلك متاكلش بإيدك ! == طيب وفيها ايه لما ياكل بإيده ! .. وتأكليه إنتي بالمعلقه ! * مش قولتلك متلعبش هنا ! == طيب وفيها ايه لما يلعب هنا .. وتقومي تلعبي معاه ! * مش قولتلك .. قوم نام ! == طيب وفيها ايه لما يفضل صاحي .. وتفضلي معاه لغايت ما يتعب وينام ! نفسي أفهم حاجه يا معاشر الأمهات ايه المانع تقولي لطفلك حبيبك : تيجي نرسم على ورقة مع بعض ونعلقها على الحيطة بدل ما تقوليله : بطل رسم على الحيطة بدل ما ألزق راسك فيها !! ايه المانع تقوليله : تحب أساعدك في ترتيب لعبك عشان أنت دايما منظم بدل ما تقوليله : قوم رتب لعبك اللي زي الخرابة دي !! ايه المانع تقوليله : لو خلصت مذاكرة بدري هلعب معاك بدل ما تقوليله : قوم خلص مذاكرة وبطل لعب أحسنلك !! ايه المانع تقوليله : وطي صوتك يا حبيبي عشان إنت بطبعك هادي بدل ما تقوليله : اخرس بئه يا زفت .. صدعتني ووجعتلي دماغي !! ايه المانع تقوليله : قوم صلي عشان نكون مع بعض في الجنة بدل ما تقوليله : قوم صلي عشان متدخلش النار !! ايه المانع تقولي : خليك جنبي وأنا بصلي عشان أنت بتحب الصلاة بدل ما تقولي : أنت بتطهقني في عيشتي وأنا بصلي .. ولو جيت جنبي هقطعك !! هتقولي : أصله بيطلعني من خشوعي في الصلاة ومش بعرف أركز منه ..صح؟ هقولك : طيب .. هل إنت أحرص على الخشوع في الصلاة من النبي صلى الله عليه وسلم ؟ طبعا هتقولي : لا هقولك : طيب تأملي في الموقف ده كده أخرج النسائي في سننه بإسناد صحيح من حديث عبد الله بن شداد بن أوس عن أبيه قال : خرج علينا رسول الله صلى الله عليه و سلم في إحدى صلاتي العشاء وهو حامل حسنا أو حسينا فتقدم رسول الله صلى الله عليه و سلم فوضعه ثم كبر للصلاة فصلى فسجد بين ظهراني صلاته سجدة أطالها قال أبي : فرفعت رأسي وإذا الصبي على ظهر رسول الله صلى الله عليه و سلم وهو ساجد فرجعت إلى سجودي !! فلما قضى رسول الله صلى الله عليه و سلم الصلاة قال الناس : يا رسول الله إنك سجدت بين ظهراني صلاتك سجدة أطلتها حتى ظننا أنه قد حدث أمر أو أنه يوحى إليك قال صلى الله عليه و سلم: كل ذلك لم يكن ، ولكن ابني ارتحلني ، فكرهت أن أعجله ، حتى يقضي حاجته. تأملوا في هذه الكلمات ولكن ابني ارتحلني ، فكرهت أن أعجله ، حتى يقضي حاجته ارتحلني ؟!! ... كلمة كبيرة أوي !! فكرهت أن أعجله ؟!! ... هو ده السبب بس ؟!! ... عشان ميستعجلش عليه !! حتى يقضي حاجته ؟!! .. لغايت ما يخلص لعب !! حقيقة لا يسعني إلا أن أقول [ صلى الله عليه وسلم ] أيها الأب الفاضل ... ولدكَ ولدكَ ..ليس أنتَ أيتها الأم الفاضلة ... ولدكِ ولدكِ .. ليس أنتِ [[أنا طفل !]] هذا لسان حال كثير من الأطفال الذين يعانون من تسلط أمهاتهم لعدم وعيهم بهذه الحقيقة الواضحة الخفية ! حقيقة [أنه طفل] والطفل طفل هل تعي أيتها الأم الفاضلة معنى هذه الأحرف؟! * ط = طيبة وطاقة وطبائع عفوية * ف = فضاء وفضول وفنون إبداعية * ل = لعب ولهو ولامبالاة ملائكية هذه طبيعة الأطفال طيبة لا تعرف قسوة الأشرار .. وطاقة لا تعرف الكسل والإنكسار وطبائع عفوية لا تعرف المكر وتحايل الشطار [قطاع الطرق يعني ] فضاء فسيح من الأفكار .. وفضول وتطلع وإستخبار وفنون إبداعية لا يستطيعها بعض الكبار لعب في الليل والنهار .. ولهو في الجد والهزار ولامبالاة ملائكية لا سخرية فيها ولا احتقار أخرج أبو داود وابن ماجة بإسناد صحيح واللفظ لابن ماجة من حديث عبد الله بن بريدة عن أبيه قال : رأيت رسول الله صلى الله عليه و سلم يخطب فأقبل حسن وحسين عليهما قميصان أحمران ، يعثران ويقومان فنزل النبي صلى الله عليه و سلم ، فأخذهما فوضعهما في حجره فقال : ( صدق الله ورسوله ، إنما أموالكم وأولادكم فتنة ، رأيت هذين فلم أصبر )!! ثم أخذ في خطبته . تأملوا أرشدكم الله في هذه العبارة فنزل النبي صلى الله عليه و سلم ، فأخذهما فوضعهما في حجره فنزل ؟!! ... من على المنبر ؟!! ... لو فعلها خطيب في زماننا لاتهم في دينه وعقله !! فأخذهما ؟!! ... كان من الممكن أن يسلم عليهما فحسب ... ثم يصعد عليه الصلاة والسلام !! فوضعهما في حجره ؟!! ... ليه ؟!! ... لأنهما طفلان !! هذه رسالة عظيمة لكل الآباء المتسلطين على أطفالهم بالتدقيق والتعليق أدعوهم فيها إلى تغليق التعليق ... وإخراج أطفالهم من سجن التدقيق والله الموفق  |
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
(View-All)
Members who have read this thread in the last 30 days : 0
|
|
| There are no names to display. |
|
|
العرض الشجري